Delhi-ah Mizo nula 2 thiin hmu

Nimin zing khan New Delhi-a Munirka vengah Mizo nula pahnih thia hmuh an ni a, an ruang hi vawiinah Aizawl rawn panpui beisei a ni.

Delhi-a Mizo hruaitute hnen aṭanga thu dawn danin, thia hmuhte hi Rachel Lalbiaktluangi (22) d/o Vanlalthlana, Kulikawn Ngaizel leh Clara Zoramsangi (22) d/o Joseph Thanga, Chanmari West-te an ni. Clara Zoramsangi hi Delhi-ah call centre-a thawk niin, Munirka vengah in a luah a; Rachel Lalbiaktluangi chu Lucknow aṭanga Delhi-a zin niin, Clara-i nen hian an riak dun a ni.

An ruang hi nimin khan Safdarjung Hospital-ah endik a ni a, nizan khan Delhi Mizote'n thlahna hun an hmang a, vawiinah Aizawl panpui a ni ang.