Lo hâl hun pawtsei

Aizawl DC Kannan Gopinathan leh Serchhip DC Dr Lalrozama te chuan nimin khan thupek chhuahin, an district chhunga lo/huan hâl hun theih hnuhnung an siam tawh a ṭum hnihna atan an pawtsei.

Aizawl district-ah chuan April 15, 2017 hmain lo hâl vek tur a ni a; Lengpui, Hmunpui, Serzawl, Nghalchawm, Lengte, Sihhmui, Sairang, Sairang Dinthar leh Mualkhang khuate chu Lengpui Airport-a thlawhna veivak a tihbuai loh nan tlai dar thum hnu lamah chauh hâl tura tih an ni.

Serchhip DC chuan an district chhungah lo/huan hâl tur neite chu April 8, 2017 hmaa hâl vek turin a hriattir bawk.