Mizoram Information Service training chhuakte thlah

Mizoram Information Service (MIS) lak tharte chuan foundation training an zo a, nimin khan Administrative Training Institute (ATI) conference hall-ah thlahna hun hman niin, IPR secretary B Lalthanliana'n a hmanpui.

B Lalthanliana chuan sorkar, mimal leh company-te'n an hnathawkte kaihhruaina dan fel tak an neih vek ṭhin thu sawiin, "Mizoram sorkar duh dan leh inkaihhruaina chi hrang hrang hre chiang tura MIS leh MCS officer tharte tan training buatsaih a ni hi anmahni leh mipui tan thil hlâwk­thlak tak a ni ang," a ti a; dan hrang hrangte hre chiang sorkar hnathawk chu an kal ngil ṭhin thu a sawi.

Foundation training hi March 1, 2017-ah ṭan niin, MCS probationer pariat leh MIS probationer panga an tel a; MCS-te hi chuan thla thum dang training an la chhunzawm dawn a ni.