MPC ṭhalaiin Speaker thusawi dik lo ti

MPC ṭhalaite chuan thuchhuah siamin, Assembly budget session neih zawh takah speaker Hipheia’n, 'Tun ṭum session-ah ngaimawh tur awm lo, session felfai, Mizoram leh hnam a tizahawm a, a chawi­mawi em em a ni,' tia a sawi chu dik lo an tih thu an tarlang.

MPCY chuan, "Tun ṭum budget session neih zawh tâk tluka Assembly House zahawmna palzûtna leh tihbawrhbânna Mizoram Legislative history-ah a la thleng ngai lo tih hre zawk turin Speaker hi kan chah a ni," an ti a; zu zawrh tihtawp rawtna private member resolution sawihonaa kohhran leh sakhaw rawngbawltute zahpahna nei loa an thusawite chu Mizo hnam leh Kristianna tihmelhemtu leh timualphotu a nih thu an sawi a ni.