Tuichang lei dawh ṭha dawn

Khawlailung leh Keiṭum inkara Tuichang lui­ah lei thar dawh a ni dawn. Hei vang hianTuichangral Zirlai Pawl (TCZP) chuan thuchhuah siamin, lawmawm an tih thu an tarlang a, "Lei dawh ṭhat a nih theihna tura theihtawp chhuaha hma min lakpuitu bial­tu MLA Vanlalawmpuii Chawngthu leh sorkar chungah lawmthu kan sawi a ni," an ti.

Tuichang lei dawh ṭhat tur hi Central Road Fund aṭanga sum hmuh cheng nuai 754.75 hmanga dawh tur a ni a, Sadguru Engineers & Allied Service Pvt. Ltd., Guwahati-in a dawh hna an thawk dawn. Lei hi a dung metre 68 leh a vâng metre 7.50 tur a ni a, December 1, 2016 aṭanga December 1, 2018 chhunga dawh zawh tura tih a ni.