MIFCO hnathawk hluite Court-ah zualko tum

MIFCO Early Retire­ment Rules Pensioners' Association hruaitute chuan, MIFCO chu March 31, 2017 ral hmaa mimal kuta hlan (privatize) fel tura tih a nih laiin, hun tiam chhunga tihhlawhtlin a nih loh avangin Court-ah zualko an tum tih an sawi.

MIFCO-a thawk ṭhin pawl president Ngur­thansanga Sailo chuan, mimal kuta MIFCO hlan tura sorkarin a bawhzui dan chu an theih chinah an en zui ve zel tih sawiin, tun hnai khan MIFCO hman tur nia hriat khawl thar a lo thleng niin a sawi a; khawl chu a awm sa thuam ṭhatna tur nge, khawl thar chah luh tih an la hre thei lo a, mahse, MIFCO chu titawp lo a, thawm ṭhat tumna zawk nia ngaih theih tura khawl a thlen belh avangin Court-ah an zualko mai thei niin a sawi.