Petrol leh diesel man tihniam

March 31, 2017 zan zanlai aṭang khan India ram pumah petrol leh diesel man tihniam a ni a; Petrol hi litre khatah Rs. 3.77-a tihhniam a ni a, diesel chu litre khatah Rs. 3.16-a tihhniam a ni thung. Mizoram sorkar pawhin Mizoram hmun hrang hranga tuialhthei man a bithliah thar a, Inrinni khan hman nghal a ni.

Aizawlah chuan petrol man Rs. 62.64 leh diesel man Rs. 53.25 a ni a; a tlawmna ber Vairengte-ah chuan petrol Rs. 62.20 leh diesel Rs. 52.92 a ni. Lungleiah petrol Rs. 62.88 leh diesel Rs. 53.48, Lawngtlaiah petrol Rs. 62.94 leh diesel Rs. 53.47, Hnahthialah petrol Rs. 62.81 leh diesel Rs. 53.43, Champhaiah petrol Rs. 63.09 leh diesel Rs. 53.61 a ni bawk.