Champhai DC-in hnathawhte enfiah

Champhai DC Vanlal­ngaihsaka chuan, Inrinni zing khan kumina YMA General Conference neihna hmun tur Champhai Zotlang Field, Zotlang Stadium, Champhai-Zokhawthar kawng zauh mek leh Champhai Zote-a District Court building tur chei thar mekte a tlawh.

Kumin October thlaa YMA General Conference neihna tur Zotlang khelmual chu a dung metre 175 leh a vâng metre 73 vela zau laih zawh tawh a ni a, pandal sakna tur peih ṭêp a ni tawh. Zotlang Branch YMA chuan Conference Organising Committee a din tawh bakah, committee péng hrang 15 an din tawh a, hmalak mek a ni.

Champhai-Zokhawthar kawng zauh hna Tarmat company-in an thawh meka harsatna awmte chu Zotlang khawtlang hruaitute'n DC hnenah hian an lo thlen a, harsatnate sutkianpui turin an ngen.

Champhai DC hian Zotlanga Sports Stadium siam zawh tawh pawh a en nghal a; stadium hi a siamtu NBCC-in Mizoram sokar kutah a hlan ṭêp tawh. Stadium enkawl hna hi Mizoram sorkar chuan Zotlang khawtlang hruaitute kutah April 11, 2017 khian a hlan dawn nia thu dawn a ni.