Officer tharte leh CM an inkâwm

Mizoram Civil Service (MCS) leh Mizoram Information Service (MIS) lak thar foundation course kal mekte chu, chief minister Lal Thanhawla'n Zirtawpni tlai khan pisaah a kâwm.

Chief Minister chuan, officer tharte chu an thiamna leh theihna vanga hlawhtlinna an hmu chu a lawmpui thu a hrilh a, "Mizoramah sorkar hnathawk, a bik takin officer hna phei chu vohbik (privileged class) nia ngaih theih a ni. Sorkar hnathawkte laka mipui beiseina a sang chho zel a, chu beiseina tihhlawhtlin nan sorkar hnathawkte'n mawhphurhna leh tih tur an nei tih in hriat chian ka duh," a ti.

Officer tharte'n an hna tur, professional career bul an ṭan dawn avangin a tìr aṭangin an hnathawh (career) chauh ngaihtuah se a duh thu sawiin CM Hawla chuan, "Sorkar siamtua rinawm ni loin, sorkarah rinawm takin in thawk tur a ni," a ti.

MCS thar mi pariat leh MIS thar mi pangate hi ATI director Ramdinliani leh joint director Angela Zothanpuii ten an ṭawiawm.