Hun vawng dik turin chah

Nimin khan chief secretary Lalmalsawma hoin Secretariat confe­rence hall-ah secretary leh head of department-te an ṭhukhawm a; Assembly session neih zawh tak an thlir let a; Chief Secretary chuan hun vawng dik turin officer-te a chah.

Chief Secretary chuan, Assembly session atana department hnena zawhna lutte chu uluk leh fimkhur taka chhan a ṭul thu a sawi a; thutlukna siam thuai ngai thil awm ṭhinah hun khawhral lo a, ngaih­tuahna hmang thiam turin kalkhawmte a hrilh.

Lalmalsawma chuan, mi dang ṭanpui duhna chu nun kaihruaitu ni se a duh tih sawiin, "Vantlang rawngbawltu kan nihna hi theihnghilh ngai loh ni se. Sorkar hnathawkte chu darkar riat chhung thawk tura rawih kan nih angin, hun hi vawng dik tur kan ni," a ti.

Meeting-ah hian budget session hnuhnung bera House member-te'n sorkar department-te kalphung ṭha zawk atana an duh dan an sawite an sawiho a ni.