Mi 6,169 training tir tawh

Labour Employment & Industrial Training (LEIT) department leh Mizoram Youth Commission (MYC) chuan Mizo ṭhalai 6,169 an training tir tawh.

LEIT department hian ṭhalai 2,963 training an pe tawh a, MYC-in mi 3,206 training an pe tawh. Training pekna atan hian LEIT department-in Rs. 3,22,20,463 an hmang tawh a, MYC-in Rs. 3,21,98,825 an sêng tawh thung.

LEIT department hian training hi Ministry of Skill Development & Entrepreneurship hnuaia Skill Development Initiative Scheme (SDIS) aṭangin an buatsaih a; vocational training provider (VTP) chu LEIT thlan an ni a, tunah hian VTP 56 register an awm. VTP 52 zinga 32 chu state pawna mi a ni a, 24 chu Mizoram chhunga mi a ni.