MPSC chairman thar tur JC Ramthanga, IAS (Rtd)

Mizoram sorkar chuan Mizoram Public Service Commission (MPSC) chairman atan JC Ramthanga, IAS (Rtd) a ruat thar.

Hemi chungchangah hian DPAR secretary K Lalthawmmawia chuan nimin khan hriattirna a tichhuak a, JC Ramthanga hian thla khatah Rs 2,25,000 leh hamṭhatna dangte a la dawn a ni.

MPSC chairman ni mek Lalramthanga Tochhawng, IAAS (Rtd.) chu June 20, 2022 thleng a thawk dawn nia thu dawn a ni a, a chhuah hnuah JC Ramthanga hian a thlak dawn a ni. Tunah hian MPSC-ah member dang pahnih - Vanlaltlana, MES (Rtd.) leh Vanlalngaihsaka IAS (Rtd.) te an awm mek.

MPSC chairman/member hi kum nga chhung emaw, kum 62 tlin thleng emaw thawh theih a ni.