KHAWTHLIR

Thisen pe
Thingsul Tlangnuam Branch YMA leh Thingsul Higher Secondary School NSS-te chuan nimin khan an khuaah thisen pek an huaihawt a, Thingsul Tlangnuam YMA-in thisen unit 55 leh Thingsul HSS-in unit 24 pein, a vaiin thisen unit 79 an pe. Thisen petute hi mipa 77 leh hmeichhia pahnih an ni.

AR-in thing phun
Assam Rifles-te chuan nimin khan Champhaiah thing phun rûnpui, Tree Plantation Drive an nei a, thing ṭiak eng emaw zat an phun. Assam Rifles thing phun hi tual chhung mi ṭhenkhatin an hmanpui a ni.

MLA-in hmanpui
MZP sub-headquarters, Bilkhawthlir chuan nimin khan Bilkhawthlir community hall-ah zirlai ti ṭhate chawimawina an buatsaih a, bialtu MLA Lalrinsanga Ralte-in hmanpuiin, zirlaite fuihna thu a sawi.

Sialsuk PHC Vil tur ruat
Sialsuk Primary Health Centre (PHC)-a medical officer chu June 2, 2022 aṭanga suspend a nih avangin Health & Family Welfare department chuan Sialsuk PHC vil rih turin ZMC-a medical officer Dr HJ Lalnunpuia a ruat. Dr HJ Lalnunpuia hi a hna pangngai bakah chawlhkar khatah vawi thum tal Sialsuk PHC tlawh tura tih a ni.

Damdawi-in ṭanpui
HDFC Bank chuan corporate social responsibility aṭangin Civil Hospital, Lunglei hnenah nimin khan ventilator pahnih, median transport ventilator pathum bakah, motorised ICU bed, multi para monitor, suction machine, BiPAP machine leh CPAP machine panga ṭheuh an pe.

Thil siam hawng
Central Reserve Police Force (CRPF) 225 Battalion-te'n civic action programme hmanga mipui tana hman ṭanglai tur thil an siamte chu nimin khan CRPF IGP (Tripura Sector) Ravideep Singh Sahi-in Zemabawkah a hawng.

Lawmman lawm
Thenzawl Community Health Centre (CHC) chuan nimin khan damdawi-in fai inelna (Kayakalp) a lawmman an dawnte an lawm. Thenzawl CHC hian Kayakalp inelnaah hian kum 2020-2021 ah pakhatna leh 2021-2022 ah lawmman pathumna an dawng a ni.

Zirlai chawimawi
Mizo Zirlai Pawl, headquarters, Champhai chuan nimin khan Champhai College multipurpose hall-ah kumin HSLC leh HSSLC-a zirlai ti ṭhate chawimawina an buatsaih a, district bawrhsap James Lalrinchhana’n a hmanpui. HSLC distinction-a pass zirlai 80 leh HSSLC distinction leh first division-a pass zirlai 100, an vaiin zirlai 180 hnenah leh, zirlai pass kim vekna sikul pakua leh mimal ti ṭha zirlai pali hnenah chawimawina hlan
a ni.

PUCAA office
Pachhunga University College Alumni Association (PUCAA) office thar chu nimin khan PUC principal Prof. H Lalthanzara’n a hawng. Hawnna inkhawm hi PUC Alumni president Lalbiakthanga Khiangte, IPS-in a kaihruai a ni.

Thil siam hawng
Central Reserve Police Force (CRPF) 225 Battalion-te’n civic action programme hmanga mipui tana hman ṭanglai tur thil an siamte chu nimin khan CRPF IGP (Tripura Sector) Ravideep Singh Sahi-in Zemabawkah
a hawng.