SHG-te hnenah kháwl sem

Kawrthah SDO (Civil) Ngulzathuama, Zawlnuam BDO ni bawk chuan nimin khan Mizoram State Rural Livelihood Mission (MzSRLM) hnuaia village organization-te ṭanpui nan self help group (SHG)-te hnenah custom hiring centre-a hman tur combined rice mill pahnih leh oil maker machine pathum a sem a; mithiamte'n khawl hman dan an zirtir nghal.

Khawlte chu MzSRLM aṭanga a thlawna dawn a ni a, Saikhawthlir leh Suarhliap khuaa SHG 18-te hnenah combined rice mill pahnih pek a ni. Saikhawthlir SHG-te hian kum khatah buh quintal 3,000-4,000 vel an thar ṭhin a, Suarhliap SHG-te'n quintal 2,000 vel an thar ṭhin thung.

Oil maker machine pathum chu Saikhawthlir (SHG 10), Chuhvel (SHG 13) leh Bungṭhuam (SHG 16)-te hnenah pek a ni a; khawl chu chhawhchhi leh anṭam mû aṭanga chawhmeh kanna tél (edible oil) siamna tur niin, darkar khat chhungin kg. 15 a her thei a ni.