ZPM Ṭhalaiin bang chhak sat thlaa bang thlang lama bel angah ngai

ZPM Ṭhalai chuan, Mizoram State Health Care Scheme (MSHCS) sum indaih lohna phuhrûkna tura Asian Development Bank (ADB) aṭanga loan cheng nuai 1,000 pûk tum chu chief minister Zoramthanga’n, ‘Bang chhak lam sahthlâk a, bang thlang lama bel ang’ a tih nen thuhmun renga an ngaih thu an tarlang.

ZPM ṭhalaite chuan thuchhuah siamin, “Mizoram sorkarin MSHCS sum indaih lohna phuhrûkna tura ADB aṭanga loan cheng nuai 1,000 puk a tum hi CM Pu Zoramthanga opposition-ah a awm laia NLUP chungchanga Congress sorkar a kahna, ‘Bang chhak lam sahthlâk a, bang thlang lama bel ang’ a tih nen khan thuhmun rengah kan ngai. Sum enkawl chungchangah MNF sorkar hi Congress sorkar ang chiah khan an hlawhchham a ni,” a ti.

ZPM Ṭhalai chuan, CM-in Assembly House-ah, damlo apiangin an hman tur Rs 2,00,000 thlenga dah sa a nih thu a sawi tawh hnuah pawh health care sum bá cheng vbc. 70 chuang a awm leh cheng tam tak pûk ngaia an awm chu mak an tih thu an tarlang a, “Damlo apiangin an hma tura ruahman sa Rs 2,00,000 ṭheuh hi Chief Minister hian bang chhak lam sahthlâk a, bang thlang lam belna atan a hmang ta mai em ni?” tiin an zawt a ni.