Mizoramah mi 8,62,831 hnenah Covid-19 vaccine pek an ni tawh

Mizoramah June 14, 2022 thleng khan mi 8,62,831 hnenah Covid-19 vaccine dose 16,24,305 pek a ni tawh a; kum 12-14 inkar mi 39,263 hnenah dose 58,906 pek a ni tawh.

January 16, 2021 khan Covid-19 vaccine pek ṭan a ni a, June 14, 2022 thleng khan Mizoramah mi 8,62,831-in Covid-19 vaccine an la tawh a, chu'ng zinga mi 7,13,415 chuan second dose an la tawh. January 10, 2022 aṭang khan precautionary dose pek ṭan niin mi 48,059 in an la tawh a; chu'ngte chu healthcare worker 7,904, frontline worker 13,990 leh kum 60 chung lam 26,083 an ni.

IDSP tarlan danin, Mizoram sorkarin hmun a buatsaih hrang hrangah Covid-19 vaccine dose 16,19,387 pek a ni tawh a, dose khatna 8,60,605, dose hnihna 7,11,129 leh precautionary dose 47,653 a ni. Private facility-ah dose 4,918 pek a ni tawh a, dose khatna 2,226, dose hnihna 2,286 leh precautionary dose 406 a ni.

June 14, 2022 khan Covid vaccine dose khatna 191, dose hnihna 1,085 leh precautionary dose 179, a vaiin dose 1,455 pek a ni a; chu'ngte chu healthcare worker hnena pek dose riat, frontline worker hnena pek dose 23, kum 12-14 inkar dose 574, kum 15-17 inkar hnena pek dose 277, kum 18-44 inkar hnena pek dose 394, kum 45-59 inkar hnena pek dose 28 leh kum 60 chung lam hnena pek dose 151 a ni.