Sikul hawng ṭan

Mizoram sorkar ruahman angin 2017-18 academic session atan nimin khan Mizoram pumah sikul hawn ṭan a ni. Sikul hawn a nih leh tak avang hian Aizawla zirlaibu leh school uniform zawrhna dawrte a lûn hle a, hmun ṭhenkhatah chuan zirlaibu leh mamawh dangte lei tum an intlar.

Academic session 2017-18 aṭang hian middle school-a pawl 6-8 ten syllabus thar an hmang dawn a, zirlaibu thar chhu tur hian State Council of Educational Research and Training (SCERT) chuan Printing & Stationery department an hmang.

Thu dawn danin, Printing & Stationery department hian phai lamah an pe chhawng ve leh a, zirlaibu tharte chu Mizoram a lo la thlen kim loh avangin zirlaibu a kima lei tur a la awm rih lo. Pawl 7 zirlaibu la chhut zawh loh bu 6 a awm a, pawl 6 zirlaibu pahnih leh pawl 5 zirlaibu pakhat chhut zawh loh a la awm.