Baptist House inthiar chhuak chhunzawm

Aizawl District Disaster Management Authority (ADDMA)-in thupek a lo tihchhuah tawh angin, MG Road, Khatlaa Baptist House chhunga bungruate chu nimin khan thiar chhuah chhunzawm zel a ni.

Thu dawn danin, Bible House thlanga April 3, 2017 zinga lei min chu a min belh rih lo a, MG Road-a lei tlahniam e­rawh a tlakhniam belh hret hret zela hriat a ni a; Baptist House ban thlang lam ṭhenkhat a chhe tawh.

Bible House leh Baptist House thlanga Convention Centre sak tur lei laih pawh a thuk zawngin a tlahniama hriat a ni a; in sak tur ban phun tawh ṭhenkhat chu a âwn leh tawh a, lung rem (retaining wall) thar­ah pawh khî hmuh tur a awm bawk.

MG Road-a lei a khîk belh zel avang hian Aizawl DC chuan MG Road-ah hian two wheeler tih loh lirthei dang tlân a khap a ni.