Governor leh CRPF hotu inkâwm

Governor Dr Hari Babu Kambhampati leh CRPF IGP (Tripura Sector) Ravideep Singh Sahi te chu nimin khan Raj Bhavan-ah an inkâwm a, Mizorama CRPF hnathawh leh mipui vantlang tana an luan chhuah chungchang an sawi dûn.

Governor chuan, CRPF-te'n an hnathawh pangngai ṭha taka an thawh bakah, an awmna hmuna chêng mipui vantlang tan rotling thil ṭangkai takte an siam ṭhin chu lawmawm a tih thu a sawi a; CRPF-te chu an awmna hmuna mipui vantlangte nen inlaichinna ṭha tak nei chhunzawm zel turin a chah.

Ravideep Singh Sahi chuan, Mizoram mipui an hawihhâwm thu sawiin, khawtlang hruaitute nen inpawh tlang taka hna an thawhho ṭhin thu leh chu chu chhunzawm zel a duh thu te, CRPF-in an theihna zâwnah Mizoram tan theihtawp chhuah zel an tum thute a sawi a ni.