CYMA-in Vishal din danah Dik lo a awmah an ngai

Central YMA chuan Bawngkawna Vishal Megamart hawn a nih dan an chhui chianna aṭangin thil dik lo a awm ngeiin an hria, an hmalak zel dan tur an la rél dawn.

CYMA vice president Vanlalruata hnen aṭanga thu dawn danin, Vishal Megamart din a nih dan hi CYMA hruaitute chuan nimin khan Home minister R Lalzirliana a pisaah an sawipui a; thil dik lo awm ngeiin an hria.

Vishal Megamart din a nih theih dana a kaih­hnawih department-te Central YMA hian an kâwm leh dawn a, chumi hnuah an kal zel dan tur an sawiho leh dawn a ni.