Aizawl district-ah in 116 a chhia

Tun hnaia ruah sûr leh thlipui tleh avangin Aizawl district chhungah in 116 a chhia a, hmun eng emaw zatah leimin a awm bawk.

Aizawl District Disaster Mangement Authority (ADDMA)-in report an dawn danin, April 3, 2017 khan in chhia Damdiai khuaah 26 leh New Vervek­ah 80 a awm a; April 4 khan Sairang Dintharah in panga, Sairangah in pahnih, Khawlianah in pahnih leh Daido-ah in pakhat a chhia.

In chhia bakah hian April 3 khan Ramhlun Venglaiah leiminin in sak lai a hnâwl a; Chaltlanga retaining wall chim vangin a thlanga chengte dinhmun hlauhawmah an ding bawk.