Mamte Primary School khâr a ni

Lunglei district-a Mamte khuaa zirlai nu leh pate chuan, an khaw Primary School-ah zirtirtu pahnih chiah an awm avangin, zirtirtu dah belh phût nan April 4, 2017 aṭang khan sikul an khâr.

Thu dawn danin, Mamte P/S-ah hian zirlai 103 awmin, zirtirtu pahnihin an enkawl mek a; zirtirtu pahnih chiah an awm avangin February 21, 2017-a vantlang rorelna thuchhuak angin, April 4-a sikul ṭan a nih hmaa zirtirtu dah belh tura sorkar thuneitute an ngenna a hlawhtlin loh avangin sikul hi an khar ta a ni.

Zirlai nu leh pate hian Mamte khaw chhungah zirtirtu dah belh phûtna thuziak hrang hrang an tár bawk.