ZNP Ṭhalaiin inzir nana mipui hmangah Zorama an puh

ZNP ṭhalaite chuan thuchhuah siamin, April 3, 2017-a Mizo Hnam Rûna MNF president Zoramthanga'n 'Ka CM leh chuan a let tam takin ka thiam tawh ang,' tia sawi chu an chhang a, "Zoram mipuite inzir nan min lo hmang mai mai a ni," an ti.

ZNP ṭhalaite chuan, "Nuai 882 lêt tam tak neih dan ka thiam tawh ang a tihna nge, Tuirial HEP-a ka laichin leh unaute'n uchuak taka tam compensation an lak khan kan chhungkua kan mualpho em a, mualpho loa compensation lak dan ka thiam tawh ang a tihna zawk a ni em?" an ti a; Aii Pûk scandal pawh sawi chiang turin an phût a ni.

Zoramthanga kum 10 chief minister a nih chhung kha Pathianin 'aite chhin' nan a hmang niin a sawi bawk tih sawiin ZNP ṭhalai chuan, "Kum 10 chhung aite chhin nana min lo hmang mai mai hi Zoram mipuite lakah thuphá chawi ngei turin kan phût," an ti a; Zoramthanga chu kum 50 chhung chief minister pawh ni se, hna thawhna hun a neih an rin loh thu an sawi bawk.