Thenzawlah DAY-NLUM hawng

Sorkar laipui scheme pakhat, Deendayal Antyodaya Yojona - National Urban Livelihood Mission (DAY-NLUM) chu nimin khan Thenzawla Vantawng YMA Rûnah Serchhip DLAO Lalfakawma Chhakchhuak-in a hawng.

DAY-NLUM hawnna leh social mobilization programme, ni hnih awh turah hian Lalfakawma Chhakchhuak chuan, NULM hnuaia khawpuia cheng mirethei zawkte hamṭhatna tur awm thei leh hmalakna tlangpui a sawi a; tun dinhmunah Serchhip leh Thenzawlah chenna in nei mumal lo hriat chian mi 74 an awm mek a nih thu sawiin, "Chu'ng mite tan chuan DAY-NLUM hnuaiah hmalak mek a ni," a ti.

Social mobilization programme-ah hian Serchhipa district manager Grace Lalrinfeli leh Lawm­zuali te bakah, Aizawl aṭangin Michael Lalneihtluanga ten DAY-NLUM chungchang leh chumi hmanga hmalakna tur hrang hrangte an zirtir a; vawiinah chhunzawm a ni ang.