CM-in a remtih chuan cabinet meeting-ah Parliamentary secretary-te an tel ve thin

Parliamentary Affairs depart­ment tarlan danin, parliamentary secretary-te chu Chief Minister-in ṭul a tih chuan invitee angin Cabinet meeting-ah an tel ve ṭhin.

PAD tarlan danin, parliamen­tary secretary-te hi 'The Mizoram Par­liamentary Secretaries (Appoint­ment, Salaries Allowances and Miscellanous Provisions) Act, 2009' tlawhchhana ruat an ni a, Mizoramah chuan Legislative Assembly parukna aṭanga neih ṭan a ni. Constitution of India a kalh leh kalh loh chungchangah Court-ah thubuai a awm mek thung.

Parliamentary secretary-te chu The Mizoram Parliamentary Secretaries (Appointment, Salaries Allowances and Miscellanous Provisions) Act, 2009-in a tarlan angin minister of state rank pek an ni.

Assembly session-ah parliamen­tary secretary-te hian zawhna siam, zawhna chhan leh private member resolution siamah member an nih angin an tel ve theia ngaih a ni. Depart­ment enkawl nei an nih avangin, an enkawl department chung­changa zawhna siam emaw, zawh belhna neih emaw, private resolution nei ve turah ngaih an ni lo thung.