KHAWTHLIR

Biak-in hawng
Thenzawla Isua Krista Kohhran (IKK) biak-in sak thar chu nimin khan IKK Assembly chairman Upa C Hranglura'n Pathian hnenah hlanin a hawng. Biak-in thar lawm nan leh Pathian hnena lawmthu sawi nan tlaiah ruai an ṭheh nghal. Biak-in hi September 18, 2004-a sak ṭan niin, kum 13 chhung an sa a; a sak nan Rs. 13,48,310 an séng a ni.

UPC conference
UPC (North East India) inkhawmpui lian, General Conference vawi 49-na chu nizan khan UPC Lunglei district headquarters biak-inah ṭan a ni. Vawiinah department pathum - General Missions, Sunday School leh PYD rorel inkhawm an nei ang a, naktukah General Conference rorel inkhawm neih leh a ni ang. Inkhawmpui thupui chu 'Inthawina nung' tih a ni.

YMA inkhawmpui
Ṭawitlang Group YMA chuan April 4-6, 2017 chhung khan Chhingchhip Venglun Hall-ah conference an hmang a, Nilaini zan khan minister Lalsawta'n a hmanpui. Lalsawta chuan, "Mizoramin hnam anga inpawlkhawmna lian leh chak tak YMA kan nei hi kan vannei bik hle.

Lo neitute kâwm
Planning secretary Dr C Vanlalramsanga, Agriculture joint director Dr Saithantluanga leh Horticulture deputy secretary Vanlalruata te chuan Nilaini tlai khan Chhingchhip khuaah lo neitute an kâwm a; kut hnathawh hmanga an eizawnna kaihhnawih thil pawimawh hrang hrang an sawipui.

Sâwmna Beihpui
PRISM chuan nimin khan rorelna dik leh sorkar ṭha a awm theihna atana thawhhopuia mipuina, 'Sawmna Beihpui' an chhunzawm leh a, New Market leh a chhehvelah pamphlet an sem nghal. Tun ṭum hi Sawmna Beihpui ṭum li an neihna a ni.