DC-in department hotute a kâwm

Kolasib DC thar, Dr Arun T chuan nimin khan an district chhunga sorkar department hrang hrang hotute DC conference hall-ah a kâwm a, Kolasib district chhunga hmalak dan tur a sawipui.

Dr Arun T chuan, Kolasib district-a sorkar hnathawkte chu mipui rawngbawltu leh an tana thawk an ni tih in­hrereng tura chahin, "Sorkar hmalakna hrang hrangte a hlawhtlin ngei nana hnathawh tur a ni a, ngaihtuahna thar hmanga district-in hmasawn zel nana hmalak a pawimawh," a ti.

Kolasib DC chuan, department tinte an hmalakna a hriat chian theihna atan department hotute chu April thla chhunga meeting neihpui a tum thu a sawi a ni.

Meeting-ah hian Kolasib district chhunga khuarel chhiatna a thlen chánga rang zawka inhrilhriatna atana DC-in ruahmanna a siam, 'Disaster Alert System' chu sawiho nghal a ni a; he system hmang hian district-a office hotute bakah, khawtlang hruaitute hnenah SMS hmangin hriattirna an thawn ṭhin dawn a ni.