Lawngtlai DC-in anganwadi a enfiah

Lawngtlai DC Dr A Muthamma chuan nimin khan Lawngtlai khawpui chhunga anganwadi centre - Bazar Veng-II, Lawngtlai-I 'A' leh Lawngtlai-I 'C' te a tlawh a, an dinhmun a enfiah.

Dr A Muthamma hian anganwadi centre kalpui a nih dan te, nutrition an dawn dante leh naupang zirtir an nih dante a enfiah a; thawktute chu ṭha taka centre hawng a, an huam chhunga anganwadi kai rual kai lote zawng chhuak ṭhin turin a chah.

Naupangte'n an têt lai aṭanga chaw ṭha an dawn a, zirna boruak leh enkawlna ṭha tak hnuaia an sei len a pawimawh tih sawiin Lawngtlai DC chuan, "Chumi atan chuan anganwadi-a thawkte'n mawhphurhna sang tak an nei a ni," a ti.

Lawngtlai DC hi Lawngtlaia CDPO Hlawn­chi-in a ṭawiawm a ni.