MIMA-in Oil khuahkhirh ṭhin ṭha ti lo

Mizoram Merchant Asso­­ciation (MIMA) chuan thuchhuah siamin, harsatna avanga state pawn aṭanga tuialhthei lâk luh theih a nih loh vanga sorkarin tuialhthei a khuahkhirh ṭhin chu ṭha lo an tih thu an tarlang a, khuahkhirh tawh lo turin sorkar an ngen.

MIMA chuan, sorkarin tuialhthei a khuahkhirh ṭhin chuan mipui a tichî-âi hle ṭhin a, petrol pump-ah intlar an tam phah nia sawiin, "Mipuiin búrin an dawh thei lo a, sorkar lamin coupon-in an duh zat an la zung zung thei a, eizawnnaa lirthei hmangtute an mangang tak zet zet a ni," an ti. Dan loa petrol zawrh ṭhin chu tihtawp a ṭul tak zet thu sawiin, "Petrol pump-a thawktute nen pawh inthurual awl tak a ni thei a ni," an ti bawk.