Champhaiah MYC Coaching Centre

Mizoram Youth Commission (MYC) chairman Dr Vanlalṭanpuia, MLA chuan June 17, 2022 khan Champhaiah MYC Coaching Centre a hawng. Centre hi Mizorama MYC coaching centre pangana a ni.

Dr Vanlalṭanpuia chuan, MYC hnuaia IAS full sponsorship leh Mega Hybrid IAS programme kalpui nan Mizoram sorkarin budget-ah cheng vbc 2.6 a dah tih sawiin, "MYC coaching centre-te hi remchan dan leh inṭâwm theih dan turte chhûtin hleih nei loa din ṭhin a ni," a ti.

India rama hna sang exam-ah Mizo ṭhalaite an tling thei ta meuh lo chu veiawm a tih thu sawiin MYC Chairman chuan, "Kan dinhmunte thlirin MYC chuan super 40 programme kalpui turin hun a hawng mek a, India rama academy ṭha - Vajiram and Ravi, Vision IAS leh ALS te nen thawhhona neih a ni," a ti a; nakkum lamah VSAT facility buna programme lian zawk kalpui tum a nih thu a sawi. Inkhawmah hian Champhai North bialtu MLA Dr ZR Thiamsanga'n thu a sawi bawk.

Champhaia MYC Coaching Centre atan hian Nursing School nuilding chhâwng chung ber hman rih a ni dawn a, coordinator pakhat lak tawh niin, faculty pathum - general studies, english leh mathematics zirtirtu lakna tur tender chhuah thuai tum a ni.