High Court Judge-in District Court a tlawh

Gauhati High Court judge Justice Nelson Sailo chuan June 18, Inrinni khan Lunglei District Court a tlawh a, district thuneitute nen an inkâwm nghal.

Justice Nelson Sailo hian District Court, Lunglei hmunhma leh a tihchangtlung theih dan tur te, case awm mekte, district court rama hmalak dan turte leh District Legal Services Authority leh Juvenile Justice Board hnathawhte a endik a; Lunglei Judicial District chhungah hian district pali - Lunglei, Siaha, Lawngtlai leh Hnahthialte an awm.

District Court a endik zawhah Justice Nelson Sailo chuan Circuit House-ah district pali - Lunglei, Siaha, Lawngtlai leh Hnahthiala DC, SP, Excise & Narcotics assistant commissioner leh superintendent of jail-te dan leh hrai kenkawh kawnga hnathawh dante leh jail tihchangtlun theih dan turte a sawipui a, "Court case chak zawka kalpui a nih theih nan thawhhona ṭha a pawimawh," a ti.

Court hmunhma tihṭhatna hmalak mek thawktu contractor-te leh bialtu engineer-te leh Lunglei Judicial District chhunga judicial officer-te a kâwm bawk.

Justice Nelson Sailo hi Gauhati High Court, Aizawl Bench registrar Joel Joseph Denga leh Law & Judicial deputy secretary Thomas Lalrammawia ten an ṭawiawm a ni.