Phone ruk leitu mi 15 lakah Police-te'n thubuai an ziak lut

Kolasib police-te chuan June 16, 2022 khan Kolasib Tuiṭha Vengah truck pakhat aṭangin pawisa, mobile phone ruk leh mi rawk ching mi pali an man. Phone rûk leitu mi 15 lakah IPC Section 411 hmangin thubuai an ziak bawk.

Mizoram police tarlan danin, Kolasib leh a chhehvela mi rawk chingte hian tun hnai khan Kolasib Tuiṭha Veng leh Rengte Tlangsang inkar National Highway-a lirthei ding lai aṭangin mabile phone an ru ṭhin a; man an nih hnuah mobile phone an rûk zinga 24 leh drug addict-te'n phone rûk lei ṭhang hnena an lo dahkham panga an hmu lêt a ni.

Mi rawk chíng an mante chu - Lalsiamchunga (33) s/o Hmangrochunga, Rengtekawn Gosen Veng, R Lalduhsaka (28) s/o R Zohmingthanga, Tuiṭha Veng, Lalṭanpuia (29) s/o Lalhmingliana, Ṭumpui leh Lalṭhakima (42) s/o PC Rualkhuma, Tuiṭha Veng Hebron-te an ni.