MHIP-in an award dawn an lawm

MHIP general head­quarters chuan, nimin khan Nari Shakti Puraskar 2016 an dawn lawmna hun, Lal Thanhawla Audito­rium-ah an hmang a, Mizoram State Women Commission chairperson Vanlalawmpuii Chawng­thu, MLA-in a hmanpui.

Vanlalawmpuii Chawng­thu chuan, MHIP-in national award a dawng chu a lawmpui thu sawiin, "Kan ram enkawl­na chung­changah mipuite hian chanvo tam tak kan nei a, hemi kawnga hmeichhiate mawh­phurhna hlen chhuah a pawimawh," a ti a; MHIP hruaitute chu hmeichhiate chawikanna kawnga ṭan la zel turin a chah.

Award lawmna inkhawm hi MHIP vice president Dr Thanpuii'n a kaihruai a, MHIP pre­si­dent Lalthlamuani pawhin thuchah a sawi.

National Award-Nari Shakti Puraskar hi Ministry of Women and Child Development bultuma sem a ni a, kum tin March 8-ah International Women’s Day denchhenin sem a ni ṭhin. Award hi hmeichhiate hmasawnna leh dâwmkanna kawnga thawk ṭha mimal leh pawlte hnena hlan ṭhin a ni.

MHIP hi kum 1974-ah din a ni a, headquarters pakhat, sub-headquarter pasarih leh block 16 a awm mek a ni.