April tawp lamah Scho' sem beisei

Mizo Zirlai Pawl (MZP) chuan thu­chhuah siamin, post matric tribal scholarship chu kumin April thla tawp lamah pek chhuah hman beisei a nih thu an tarlang.

MZP thuchhuah chuan, post matric scholarship chungchangah hian nimin khan Mizoram Scholarship Board (MSB) secretary JH Zoremthanga an kawm tih a tarlang a, "Scholarship hi Central aṭangin sanction hmuh tawh a ni a, mahse, Mizoram sorkarah pawisa a lo la thleng rih lo a, a lo thlen thuai beisei a ni. Zirlaite hnenah April 2017 tàwp lam chuan pek chhuah hman beisei a ni," a ti.

MZP chuan, scholarship chu zirlaite bank account-ah thun tur a nih thu an sawi a; scholarship dil zawng zawngte chu an bank account tinung a, lo tiche tur leh zero balance-a dah lo turin an chah. Kum 2014-2017 chhunga IGNOU hnuaia scholarship/fee reimbursement pawisa la dawng lote chu MSB office-ah ngaihven turin an chah bawk.