YMA Sub-Hqrs. Serchhip-te Housing for All-ah inrawlh dawn lo

YMA sub-headquar­ters, Serchhip chuan UDPA hnuaia kalpui mek, Hou­sing for All scheme hmanga in sak ṭanpuina dawng tur leh housing loan diltu tur thlannaah inrawlh tawh loh an rel.

Hemi chungchang hi Serchhip sub-hqrs. hruaitute chu an pisaah an ṭhukhawm a; Housing for All hnuaia ṭanpuina dawng tur thlanna leh housing loan dawng tur thlan chungchangah UDPA department leh Central YMA ten thawhhona thuthlung (MoU) ziak mah se, inrawlh loh an rel a ni.

Serchhip YMA chuan, survey leh verification laknaah chauh YMA telh a, final selection thlan­naah YMA telh a ni leh si lo chu hun kal tawh ngaihtuahin, thil a fel leh dawn chuang loa an ngaih thu an sawi a; YMA-in dik leh felfai taka an thlan dan ang ni loa thil a kal leh tho an hlauhthawn avangin, YMA hmai a balh ai chuan inrawlh tawh loh law law an rel a ni.

Housing for All hnuai­ah hian Serchhip khawpui chhunga in sak ṭanpuina diltu zawng zawng chu ration card, bank pass­book, LSC/VC pass-te kengin vawiin hian in report tura tih an ni.