Centre of Excellence for Fruits enfiah

Horticulture minister PC Lalthanliana chuan, Inrinni khan Lungleia Centre of Excellence for Fruits a tlawh a, hna kal lai mekte a enfiah.

Centre of Excellence for Fruits hi Indo-Israel Action Plan hnuaia rua­hman a ni a, a dinna tur cheng nuai 900 chu Mission for Integrated Development of Horticulture (MIDH) kaltlanga pek a ni.

Kum 2014-15 aṭangin Tlaukunga Marketing & Co.-in turnkey project angin an thawk ṭan a, consultant leh technician-te duhthusam an hmuh theih loh avangin cheng nuai 500 hû an thawk hman.

Tlaukunga Marketing & Co.-in an thawh zawm theih loh hnuah Horticulture department kutah January 2017 khan hlan a ni a, February 2017 aṭa ngin Horticulture department-in an thawh chhunzawm. A hmunhma chu kumin May-June-ah peih hman beisei a ni a, June-July-ah thlai/thei chi kûi ṭiah hman beisei niin, drip irrigation chu October-November aṭanga mumal taka kalpui theih beisei a ni.