Private TV en zuitu tur committee din

Mamit district-a sorkar thuneitute chuan Mizoram Governor thupek angin, district hrang hrang atan District Monitoring Committee for Private Telivision Channel an din a, member turte an ruat nghal.

Monitoring Committee-ah hian chairman chu district tina DC-te an ni a, IPRO-te chu member-secretary an ni. Member dangte chu - district SP, MHIP president, college principal pakhat, academician/psychologist/sociologist pakhat leh District Child Welfare Committee chairman-te an ni.

District Monitoring Committee tih turte
i) Cable TV kaltlanga thu puan chhuah leh tihlanahte miin lungawi lohna an neih chuan lungawi lohna thlenna hmun tur an siamsak ang a, a ṭul anga hmalak.
ii) Cable Television Networks (Regulation) Act, 1995 kenkawh chungchanga hmalakna enfiah.
iii) Cable TV channel aṭanga siam programme-in mipui nun a tibuai emaw, khawtlangah inhuatna a siam chuan a ranglama state leh central sorkar hriattir.
iv) Local cable TV-te thil tihchhuahte ngun taka en zui a, danin a phal loh channel leh phalna la hmasa loa mi dang channel lâk chhawn khap. Tualchhung chanchinthar tihchhuahah khawtlang tana buaina chawk chhuak thei tur a awm loh nana khuahkhirh.
v) Cable network-a a thlawna tihchhuah theih channel-te leh channel ṭhenkhat tihchhuah ngei ngei tura hriattirte a awm leh awm loh vil.