UPC (NEI) inkhawm-pui lian a ṭiak

10th April, 2017

UPC (North East India) General Conference vawi 49-na, April 6, 2017 zana Lunglei Chanmari UPC biak-ina ṭan chu nizan khan a ṭiak.

Inkhawmpuiah hian April 7 leh 8 khan rorel inkhawm neih a ni a, rorel palai 352 telin, General superintendent Rev. Lalmalsawma Sailo-in a kaihruai.

An thu ngaihtuah zingah Delhi-a kohhran ram lei chungchang leh chaw nghei ṭawngtai beihpui thlakte a tel.

UPC (NEI)-ah hian district 11 a awm a, mission field pasarih an nei. Kohhran member zat - 1,02,111 an awm a, chung zinga mi 64,383 chu tui baptisma chang tawh niin, mi 44,261 chu thlarau baptisma chang tawh an ni. Tualchhung kohhran 792 an nei a, preaching point 135 an nei bawk.