PUC-in pâ an hralh chhuak

Pachhunga Uni­versity College (PUC) chuan, kum 2015 aṭang khan Uni­versity Grant Commi­ssion bultumin Horticulture department nen ṭang dunin pa (mushroom) khawi zirna an hawng a; pâte chu thar chhuak tawhin, tunlai hian an hralh chhuak mek.

PUC hotute sawi danin, pa khawi zirnaah hian zirlaite chu exam neihtir ṭhin an ni a, exam buaipui turin UGC-in mithiam a rawn tir ṭhin a, zir hmasa ber (1st. batch)-te chu ṭha takin an pass vek a ni. Pa khawi zirte chu thla tin stipend Rs. 1,000 pek an ni a, study tour neihpui an ni bawk. Kumin June thlaah batch 2-na an hawng leh ang.

PUC hian pa khawi zirna aṭanga pâ an thar chhuahte chu tunlai hian an campus-ah an hralh chhuak mek a, a lei duh tan lei theih reng an nih thu an tarlang.