Sorkar, PSU leh institution/body-ah Post hnawh khah loh 14,393 a awm

Mizoram sorkar, public sector undertaking (PSU) leh aided institution & body hnuaiah post ruak hnawh khah loh 14,393 a awm mek a, chu'ng zinga 7,727 chu permanent post a ni a, 6,666 chu tempo­rary post a ni thung.

Salary on Salary & Employment Data, 2017-2018 a tarlan danin, post ruak hnawh khah loh zingah group-C a tam ber a, post ruak 5,863 a awm mek. Tun dinhmunah group C-ah hian sanction post 22,515 awmin, post 16,652 hnawh khah a ni a, post ruak awm mek chu permanent post 2,366 leh temporary post 3,497 a ni.

Group A-ah chuan sanction post 5,887 a awm a, post 5,096 hnawh khah niin, post 791 chu a ruak. Group B-ah chuan sanction post 20,672-ah post 4,721 a ruak a, post 15,951 hnawh khah a ni. Group D-ah chuan post ruak 3,018 awm mek a, sanction post 13,143 zinga 3,018 chu hnawh khah a ni.

Post ruak awm lohna department pathum a awm a, chungte chu - Governor Secretariat, Council of Minister leh Parliamentary Affairs-te a ni.