Telangana sorkarin road show buatsaih

Telengana Tourism department chuan, nimin khan Telengana tourism tihlârna atan Hotel Floria, Aizawlah Road Show an buatsaih.

Road Show-ah hian Telangana sorkara Youth Advancement Tourism & Culture (YATC) secretary B Venkastesham chuan, Mizoram chu India ram state zinga nghah loh dawr nei awm chhun, lirthei khalhtute'n bengchheng siam loa lirthei an khalhna hmun a ni a, state entawntlak tak nia a hriat thu a sawi.

Telangana state chungchang sawiin B Venkastesham chuan, "India chhim leh hmar intawhna, inthliar hranna awm loa mi zawng zawng tlángnél taka an chên theihna hmun a ni," a ti.

Mizoram sorkara Tourism secretary Lalremthanga pawhin Mizoram tourism dinhmun a sawi bawk.

Road Show-ah hian Telangana sorkara Tourism department hmalakna hrang hrang te, hnam nunphung leh zia te, hmun hlui tlawh atana ṭha te, festival leh zin mite tana awlsamna siamsak thei tur thlen-in leh tlawh tur hmun hrang hrangte tarlan a ni.