KHAWTHLIR

Remna Ni
Central YMA executive committee nimina an president Lalbiakzuala hoa CYMA committee room-a ṭhukhawm chuan, kuminah chuan Remna Ni YMA kaihhruaina hnuaia hman rih loh ni se, an ti. Nikum khan Remna Ni hi YMA kaihhruaina hnuaiah Mizoram hmun hrang hrangah hman a ni.

NPS zirho
Account & Treasuries dept. chuan, nimin khan Serchhip District Treasury hnuaia Drawing & Disbursing Officer leh New Pension Scheme (NPS) dealing staff-te tan NPS chungchang zirna an buatsaih a, training-ah hian NPS form hrang hrang fill-up dan leh NPS chungchanga hriat tur pawimawh chi hrang hrangte zirho a ni.

Serchhipah training
Nimin khan Serchhipa Chief Medical Officer conference hall-ah ‘Facility based new born screening' thupui zirhona buatsaih a ni. Training-ah Serchhip district-a medical officer leh Health sub-centre-a nau chhar ṭhinte an tel a; nau piang hlim enkawl dan zirtir an ni.

ODF sawiho
Inthiarna mumal nei lo awm lohna, Open Defecation Free (ODF)-a Siaha district puan a nih theihna atana inbuatsaih nan leh hmalak zel dan tur sawihoin, nimin khan DC Harleen Kaur hoin DC conference room-ah Siaha khawpui chhunga V/C member-te an ṭhukhawm a; thil pawimawh hrang hrang leh hmalak dan turte an sawi ho.