Pawi kan sawiah ngaihdam ka dil : Dr. R Lalthangliana

MNF policy thar, Socio Economic Development Programme (SEDP) chu nimin khan Kolasib Diakkawn YMA Hall-ah hawn a ni a; an hun hmanpuitu, MNF vice president Dr R Lalthangliana chuan, "Kum sawm kan sorkar chhunga mipuite pawi kan sawiah leh rilru kan hliamnaah thinlung takin ngaihdam ka dil tak meuh a ni," a ti.

Dr R Lalthang­liana chuan, SEDP chu a páwng a puia sum semna a nih loh thu leh sum sem nghal ngawt a ni dawn lo tih sawiin, "A thawh ṭanna sum pein, thawh chhunga ei tur te, thawh chhunzawmna leh a chi man thlenga pein, a enkawl chhunzawmna tur leh a hralhna tur thlengin kan ngaihtuah fel sa a ni," a ti a; lo neitute thlai thar hralhna a rate chhiat thut pawhin price support hmangin an chhawmdawl dawn niin a sawi.