International Yoga Day hman a ni

Nimin June 21 kha International Yoga Day a ni a, Mizoram hmun ṭhenkhatah hman a ni. Kumina Yoga Day thupui chu 'Yoga for humanity' tih a ni.

Yoga Day hi Governor Hari Babu Kambhampati leh a nupui Jayasree Kambhampati hoin nimin zing khan Raj Bhavan auditorium-ah hman a ni a; Larsap chuan Mizoram mipuite duhsakna a hlân a, "Kan hrisel zawk nan Yoga insâwizawina kan tuipui theih loh pawhin, taksa insâwizawina eng emaw tal kan kan tih ṭhin a pawimawh," a ti.

Women & Child Development department, National AYUSH Mission leh Big FM-te huaihawtin Taxation department conference hall-ah pawh Yoga Day hman a ni a, WCD director Lallianpuii'n kaihruaiin, Social Welfare & Tribal Affairs secretary Arun Mishra khuallian a ni.

He hunah hian rilru leh taksa hriselna turte zirho a nih bakah, Yoga Day puala quiz, essay leh video clip siama intihsiakna lawmman sem a ni.

International Yoga Day hi CRPF-te chuan Raj Bhavan bakah, Zemabawka an hmunpuiah leh Thenzawlah an hmang a; National Institute of Technology, Mizoram-in an hmunah an hmang bawk.