Champhai FOCUS hotute ṭhukhawm

Champhai District Coordination Committee on FOCUS chu an chairman James Lalrinchhana, district bawrhsap hoin nimin khan an ṭhu a, kum 2022-23 chhunga hmalak dan tur ruahman, Annual Action Plan an sawiho.

Ṭhutkhawmah hian District Management Unit (DMU), Champhai tana hmalakna tur bituk - Agriculture department hnuaiah paruk, Animal Husbandry & Veterinary department hnuaiah 13, Horticulture department hnuaiah panga leh Soil & Water Conservation department hnuaiah pangate sawiho a ni.

Lei tihṭhatna Soil Fertility Management hnuaiah kum danga tih dan anga leiṭha pek ngawt ni lo, loneitute’n anmahni siam an hman theih nan ṭanpuina pek ni se, an ti a, DAO chu loneitute 60 tan project siam tura tih a ni.

Sangha khawi chungchangah, ṭanpuina unit 700 tan hmalak tum a ni a, unit 400-te chu paddy cum fish culture niin, 300 dang chu sangha chi sem tura ruahman a ni bawk.