Minister-in MSCU khawmpui hmanpui

Mizoram State Cooperation Union (MSCU) chuan nimin khan Synod Conference Centre-ah inkhawmpui vawi 33-na an hmang a, Cooperation minister C Lalrinsanga’n a hmanpui.

C Lalrinsanga chuan, cooperative movement a pawimawh hle tih sawiin, “Mahni tan mai ni loin, mi dangte hamṭhatna tur ngaihtuah tela mi dangte tan tia cooperative movement kan kalpui zel chuan hlawhtlinna tluantling kan hmu ang. Cooperative movement a hlawhtlin hian ram economy pawhin hma a sawn a ni,” a ti a; MSCU hnuaia society hrang hrangte chu hmasawnna nei tura ṭangrual turin a chah.