Mi 133-in ration card pe kîr

Mizoram sorkar ngenna angin, Food Civil Supply & Consumer Affairs (FCSCA) depart­ment-ah ration card pe kir (surrender) mi 133 an awm tawh. Ration card pe kîrtute hi thil pawimawha an hman turin ration card dang siamsak ṭhin an ni.

Ration card pe kîr tawh tamna ber chu Aizawl East DCSO hnuai­ah niin, mi 67-in an pe kîr tawh a; Mamit DCSO leh Lawngtlai DCSO hnuaiah mi pakhat ve ve chiahin an pe kîr tawh thung.

FCSCA department chuan, February 2015 khan MLA, MLA hlui, MDC, MDC hlui, AMC councillor, gazetted officer, sumdawng hau­sa, contractor/supplier leh ration card hmang loa khawsa theite chu an ration card sorkara thehlut turin a ngen a ni.

FCSCA department-in ration card sorkara thehlut tura a ngen chhan chu - public distribution system ṭha taka kalpui a nih theih nan leh mi harsa zawkte'n buhfai, khawnvartui, chini leh thil dangte ration card hmanga hnianghnâr zawka an hmuh theih nan a ni.

Ration card pek kîr dan
District Pe kîr zat
FCSCA Directorate 5
Aizawl West DCSO 23
Aizawl East DCSO 67
Lunglei DCSO 5
Siaha DCSO 4
Champhai DCSO 17
Mamit DCSO 1
Kolasib DCSO 4
Serchhip DCSO 6
Lawngtlai DCSO 1
Total 133