Lo hâl hun bituk sût a ni

State Level Committee on Fire Prevention chuan thuchhuah siamin, kumin bik atan lo hâl hun bituk tawh chu sût a nih an tarlang a; lo hâl dawnah mei kawng sial ngai pawimawh turin mipui an hriattir.

State Level Committee on Fire Prevention chuan, kuminah khuain a zir loh avangin lo hâl hun bituk sût a nih thu tarlangin, "Lo neitute zingah kumin atan lo la hâl hman lote chuan ruahtui hul laiin hun bithliah awm loin, an remchan dan angin an hâl mai tur a ni. Khawchin a mumal loh avangin a hmaa district tina lo hâl hun atana thupek lo chhuah tawhte chu hlih vek a ni," an ti.

Kumin hian kum hmasa angin lo hâl hun hnuhnung atan March 15 bituk a ni a, hun bituk zâwm lote chu hrem an nih tur thu sorkar chuan thuchhuahah a tarlang. Mahse, khuain a zir loh avangin lo hâl hun bituk sawn a ni a, district ṭhen­khatah chuan ṭum hnih an sawn hman a ni.