Rs. 10 thir dawng duh lote Dan anga hrem theih an ni

Reserved Bank of India (RBI) chuan thuchhuah siamin, Rs. 10 thir (coin) hlui tawh tihthih a awm lo a, Rs. 10 thi anga thu léng vel vanga dawng duh lo an awm chuan thubuai siamsaka hrem theih an nih thu an tarlang.

RBI chuan, social media hrang hranga Rs. 10 thir a thi anga sawi awm chu RBI-in a ngai thutak hle tih sawiin, "Tu pawh, pawisa thir (coin) dawng duh lo chu sorkar laka helna chawh chhuah tumna (sedition) thubuai awrhtir theih a ni," an ti.

RBI-in a tarlan danin, coin zawng zawngah chhinchhiahna chi hrang hrang - goddess durga, Parliament House, homi bhabha, Mahatma Gandhi leh a dangte chuanna chu pawisa nung dik tak, danin a phal a ni. Chhinchhiahnate chu hunpui eng emaw behchhana tihchhuah a nihin a danglam thei.