Larsap leh CYMA hruaitute an inkawm

Governor Lt. Gen. Nirbhay Sharma leh Central YMA hruaitute chu nimin khan Raj Bhavan-ah an inkawm a, Mizoram mipui leh khawtlang hmasawnna tura an hmalakna hrang hrangte an sawiho.

Larsap chuan Mizoten vaihlo, zu leh drugs tel lova nunphung hrisel zawk an uar deuh deuh theih nan mipuite zirtir leh hrilhriatna kawngah YMA-in chak zawkin hma la se a duh thu CYMA hruaitute hi a hrilh a, "Mizo mipuite rilru changkanna leh zirna lamah pawh an thiam theihzia ka hmuh a, nunphung hrisel zawk zawmna chang an hriat hunah phei chuan Mizoram chu state zawng zawng entawntlak a ni thei ang," a ti.

CYMA hruaitute chuan an hmalaknate a phurpuina leh thlawp ṭhinnaah Governor hi lawmthu an hrilh a, an hmachhawp tur a sawite chu theihtawpin an bawhzui tur thu an sawi.